«Ծխելուն բացասական եմ վերաբերվում և համոզված եմ, որ հնարավոր է թողնել ծխելը ցանկացած տարիքում, բայց, ցավոք սրտի, մեր հասարակությունում ծխողները երիտասարդ տարիքում մտածում են, որ իրենք կարող են թողնել ծխելը, երբ ցանկանան, բայց սկսում են ավելի վճռական մտածել թողնելու մասին միայն այն ժամանակ, երբ արդեն ունենում են լուրջ առողջական խնդիրներ»,-«Արմենպրես»-ի հետ զրույցում ասաց բժիշկ Վարդան Դաբաղյանը: Մարդկանց մեծամասնությունը ծխելը կախվածություն է համարում: Բացի նիկոտինից, ծխախոտը պարունակում է մոտ 4000 քիմիական նյութ, որոնցից յուրաքանչյուրը կարող է որոշակի ազդեցություն ունենալ մեր նյարդային համակարգի վրա’ ժամանակի ընթացքում առաջացնելով մի շարք կապվածություններ: «Նիկոտինը դուրս է գալիս գիշերային քնի ընթացքում: Մնացած քիմիական նյութերի հետ ամեն ինչ ավելի բարդ է, նրանք կարող են դուրս գալ ամիսներ շարունակ: Այդ պատճառով ծխողներին դժվար է հրաժարվել ծխախոտից եւ նույնիսկ հրաժարվելով ծխելուց’ առողջությունը վերականգնել արդեն հնարավոր չի լինում»,-նշեց բժիշկը:
Комментариев нет:
Отправить комментарий