Ջեյսոնը լրատվամիջոցների մոտ հաստատել է նշանադրության լուրը, բայց երգչուհու ներկայացուցիչն առայժմ մեկնաբանություն չի տվել:
Us Weekly-ի տվյալներով` Թրեւիկը դեկտեմբերի 15-ին ընթրիքի ժամանակ առաջարկություն է արել իր ընկերուհուն եւ երեք կարատանոց ադամանդե քարով մատանի նվիրել: Ուշագրավ է, որ Թրեւիկը երգչուհուն իր ծննդյան օրն է առաջարկություն արել. լրացել է նրա 40 տարին: Դեկտեմբերի 16-ին զույգը նշանադրությունը տոնել է Լաս Վեգասում: Բրիթնի Սփիրսն իր նախկին գործակալ Ջեյսոն Թրեւիկի հետ սկսել է հանդիպել 2009թ. հունիսից:
Սա 30-ամյա երգչուհու երրորդ ամուսնությունը կդառնա: 2004թ. Սփիրսն ամուսնացել էր մանկության ընկեր Ջեյսոն Ալեքսանդրի հետ, այդ ամուսնությունը 55 ժամ էր տեւել: Նույն տարում երգչուհին ամուսնացել էր պարող Քեւին Ֆեդերլայնի հետ, սակայն 2006թ. ամուսնալուծվել էին: Երկրորդ ամուսնությունից երգչուհին երկու որդի է ունեցել, որոնց խնամակալության իրավունքից զրկվել է:
Комментариев нет:
Отправить комментарий